اشوغ ابلچمت اجروحي
قصيدة مهداة الى المرحوم الحاج عبد الله المطرود رحمه الله برحمته الواسعة
اشوغ ابلچمت اجروحي
وتظل ادموعي تجاره
——
يبو محمد يماي العين تاره ابرسمك
اتسله ويبچيني الرسم تاره
——
يبو چف الكريم وطبعه بس الطيب
يل مارد غریب ویچهب الداره
——
يبو سماط السلف ويا لمت المعتاز
يبو امظيف الحلو ولاختاض خطاره
——
یدگ باب اليتيم وينشد اعلى الناس
يبو وجه السمح يل شوفته ابشاره
——
شامخ بل اصل وشا مخ بل اطباع
تظمك كاع غمها الكاع غداره
——
نحبنه اشكد نحبنه اعليك يابو الخير وتراب
اللحد فرحان لأن انته العزيز ونمت بجواره
حسيتك وفه وحسيتك انته الطيب
يلوجهك گمر ما تخفت انواره
——
لفوك ابجفن سمعيت لچن چفك رفض
يلف يبو چف الكريم وكاتم اسراره
——–
تيهت الفرح بس بل حزن ظليت وكالب بليالي السود
بل حسرات وتلكه الوجع لو يطلع انهاره
——
مشت خلفك بشر بيهم الم وجروح يارمز العطاء
اشلون ترضى اتنام ودموع اليحب اعليك غزاره
——
وحگ الله وحسابه
وجنته وناره
—–
لون ابچي الدهر ماظن اجازيك اريد الروح
يم گبر الكريم اتصير نطاره
—–
الباري الي اخذ مطرود من عدنه
لون أنسان اگوم وأخد ابثاره
—–
عاش ولا يحب الصيت مات ولا يريد الصيت
دشوف اشلون گبره وذيچه زواره
الشاعر أبو حيدر اللامي – هولندا
