حسرة وآهات
تقرأ بطريقه النعي
من ضيعتنا وخليت قلبنا اتوقد بنار
مستوحشة سيهات عقب عينك يا هالحاج
والولد يا بويه من بعدك ظل محتار
بحر الكرم والجود تضمه الحود
كهف الارامل واليتامى والمساكين
يا ولاد البلد وين ابوكم يا من ضيه ينور
ابو العطايا والسخايا ومجلسه دوم معمور
كانت بلادي مشعة وتزهر منها الانوار
مؤمن مصلي وعارف ربه الغفار
للرحم واصل وللصاحب يزور
اشبيدي على عز البلد رحل عنا ولا عاد
كلما تذكرت ونظرت شب الحزن بي نار
كلنا العزاء يعني لينا وهذا فخر لينا
بونا الحاج بضيافة الرحمان
استقبله حيدر واولاده الاطهار
قالوا هذا ابنا ذاكر موالدنا ومأتمنا
قالو هذا ابنا حافل بمجالسه ذكرنا
بذكره للمواتم ابد ما غفل عنا
وين عزك وذخرك يا سيهات وسندنا
وقف امام العدى يدافع عن ولدنا
ومن غياهب السجن حل قيده وفرحنا
يا ياب محلى مشيتك بين الرجاجيل
عند ما تشرف اي محفل بالبلد افراحه تزيد
واليوم من شخصه سيهات خليه
بيها الحزن والنوح ومظلمه عليه
قلبي تفتت والحشا يا حاج صادي
من عاينت بيتك ومجلسك صار خالي
يا حاج راح اللي يزيح الضيم عنا
يزيح الهضم عنا يا بويه لو انهضمنا
وما حد فقد مثل اللي احنا فقدنا
مصلي ومزكي والقرآن ما يفارقنه
باني المساجد والمباني للمساكين
يا بو العطايا والخير والكرم والجود
واليوم عندنا مصيبة يا خلق عنا الفرح راح
بفقد شيخ البلد عزنا وسندنا
وسفه يابو محمد ترانا فقدناك
لبست البلد بكل وادي ثياب السواد
عافت المكسب والحزن بالقلب وقاد
هذا يهل دمعه وهذا يجر حسره
وهذا يقول وواسفاه
فقدنا عزنا وسندنا
نبع من سيهات / جميلة المرزوق
